ఏమిటో ఇది.. వివరించలేనిది
మది ఆగమన్నది.. తనువాగనన్నది
భాష లేని ఊసులాట సాగుతున్నది..
అందుకే ఈ మౌనమే.. భాష అయినది
కోరుకోని కోరికేదో తీరుతున్నది..
ఏమిటో ఇది.....వివరించలేనిది
మది ఆగమన్నది... తనువాగనన్నది
అలలా నా మనసు తేలుతుందే... ఏఏ ఏ
వలలా నువు నన్ను అల్లుతుంటే... ఏఏ ఏ
కలలా చేజారిపోకముందే... ఏఏ ఏ
శిలలా సమయాన్ని నిలపమందే... ఏఏ ఏ
నడక మరిచి నీ అడుగు ఒడిన... నా అడుగు ఆగుతుందే
నడక నేర్చి నీ పెదవి పైన... నా పెదవి కదులుతుందే
ఆపలేని ఆట ఏదో సాగుతున్నదీ... ఓఓఓ ఓ
ఏమిటో ఇది... వివరించలేనిది
మది ఆగమన్నది... తనువాగనన్నది
మెరిసే ఒక కొత్త వెలుగు నాలో... ఓఓ ఓ
కలిపే ఒక కొత్త నిన్ను నాలో… ఓఓ ఓ
నేనే ఉన్నంత వరకు నీతో... ఓఓ ఓ
నిన్నే చిరునవ్వు విడవదనుకో... ఓఓ ఓ
చినుకు పిలుపు విని... నెమలి పింఛమున రంగులెగసినట్టు
వలపు పిలుపు విని చిన్ని మనసు... చిందేసే ఆగనంటూ
కోరుకున్న కాలమేదో చేరుతున్నది... ఓఓఓ ఓ
ఏమిటో ఇది... వివరించలేనిది
మది ఆగమన్నది... తనువాగనన్నది
Comments
Post a Comment